LYRIC / PARODDI / PARULLE / CANTI
So sapessi in duie rime, caccià tutta a tristezza
Di l’ore culor’vaghjime, di e stonde di sulezza
So sapessi a melodia, chi cunsola d’ogni pena
A funtana d’armunia, chi scioglie d’ogni catena
Esse a voce esse u cantu, esse u luciore tamantu
Chi accende ogni vita
Esse u nidu esse u locu, esse à fiara esse u focu
Chi scalda l’alba in fretulita
So sapessi in e mio rete, piglia ci a puesia
A e so strade sicrete, attipà ci una cria
E’sse note vagabonde, sposte à ogni fiumara
So sapessi asconde, nentu a a mio guitara
Esse a voce esse u cantu, esse u luciore tamantu
Chi accende ogni vita
Esse u nidu esse u locu, esse à fiara esse u focu
Chi scalda l’alba in fretulita
So sapessi imbulighjà,in una stonda fatata
‘ssi filari di sperà, cu a musica incantata
So sapessi tuttu que, ne faria issa canzona
Ch’a u prufondu di mè, dapoi sempre risona
Esse a voce esse u cantu, esse u luciore tamantu
Chi accende ogni vita
Esse u nidu esse u locu, esse à fiara esse u focu
Chi scalda l’alba in fretulita
No comments yet