LYRIC / PARODDI / PARULLE / CANTI

Cavalcheghju pè la pampa
Incù pistole è fucile
Facciu chjuccà lu staffile
Cavalcheghju pè la pampa.

Aghju centu cavalieri
Cù le mustacce in battaglia
Sò tutti omi di vaglia
Aghju centu cavalieri.

Per la lege sò banditu
Ma la lege di li mei
Hè quella ch’o facciu eiu
Per la lege sò banditu.

Quand’i lu sole s’arrabia
U sumbreru chi mi campa
Mi face casa in la pampa
Quand’i lu sole s’arrabia.

A la festa patrunale
Dopu finita la messa
Facciu ballà le prumesse
A la festa patrunale.

Annu passatu à la fiera
Cumprai una mitragliosa
Più cà lu ventu furiosa
Annu passatu à la fiera.

A sera à la prima stella
Ci riscaldemu à le fiare
Femu sunà le ghitare
A sera à la prima stella.

Ci fischemu la tecchilla
Per lu restu di la notte
E turtigliasse sò cotte
Ci fischemu la tecchilla.

Qui finisce la canzona
Cumpagneri è paisani
Di Zappatta Emilianu
Qui finisce la canzona.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *