LYRIC / PARODDI / PARULLE / CANTI

Partianu e grande nave
A vuga sopra à lu mare
Luntanu
Era u seculu di l’oru
Per secula seculoru
Cristianu.

In lu portu si cantava
E lu ventu scuzzulava
E fune
Era gioia è allegria
Ind’è u vinu chi curria
A fiume.

S’imbuffavanu le vele
Fatte di le forte tele
Di l’avvene
Dendu brama à i zitelli
Di li paesi nuvelli
D’avvene.

Tunavanu li cannoni
Da sopra à li muraglioni
E lu molu
In la vechja citatella
Singhjuzzava ogni zitella
In dolu.

E le donne più avvezze
Si spartianu carezze
E danari
Contru à un soldu di sperenza
In l’ochji di a partenza
Di i marinari.

A li maghji di mezana
A lu ventu è la sulana
E bandere
Chjucchittavanu cuccagna
Per la regina di spagna
A più fiera.

E li grandi, li signori
Sempre avvezzze à l’onori
Di lu mondu
Fighjendu l’aventura
D’un calvese di furtuna
Culombu.

Furesteru di u mare
Senza tituli nè terre
Esiliatu
Lascendu l’isula bella
Di l’ochji di lisabella
Innamuratu.

Chi ricurderà la storia
S’ellu ùn hè fiume di gloria
Passata
M’arricordu una regina Bis
Ch’in un castellu pienghjia
U so innamuratu.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *