LYRIC / PARODDI / PARULLE / CANTI

Castagniccia si, Castagniccia si,
Si ribella, si ribella si.

Da lu biancu luminellu
Simbulu di luce chjara
A l’incendiu natu in celu
Quandu s’accende la fiara,
Da li primi fochi accesi
In cima di e culline
Da spicca li corni appesi
Quandu svolta le marine.

Castagniccia si, Castagniccia si,
Si ribella, si ribella si.

Da le stantare di Boziu
Guerrieri di tempi andati
Mai n’un sò stati à l’oziu
Quandu fumu casticati
Da la chjama chi ribomba
Da li poghji à li pughjali
Pè l’eroi senza tomba
Tazzati da li pugnali.

Castagniccia si, Castagniccia si,
Si ribella, si ribella si.

Da lu vechju San Petrone
Chi veghja sopr’à l’arestu
Sunendu lu ratachjone
Cume quand’ellu hè furestu
Da lu tepe a li pentoni
Da la terra a lu matticciu
Da le fronde a li gamboni
A lu fruttu prumaticciu.

Castagniccia si, Castagniccia si, ter
Si ribella, si ribella si.

Petru Vachet-Natali \ Ghjuvanfrancescu Bernardini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *