LYRIC / PARODDI / PARULLE / CANTI
Tena caru à una donna, a so tarra, pocu impremi, l’amori porta i nostri passi à l’eternu andà.
À mez’à i libri vechji duve hè fiume la memoria
Ind’è lu vampu sinceru di ‘ste chjame à l’intriccià
Grent’à l’onda ammurtulita è lu me core fattu oria
N’u le petre fiumareccie, lu silenziu à striscià
Sia lu ghjornu o la notte, tuttu què ne facciu un chjassu
Lu to muscu per stradone eiu… ci faraghju un passu
Longu à le vie mute di u paese assulanatu
Sopr’à le custere d’oru di u linzolu à sunnià
D’altre battaglie d’amore sott’à lu cellu appicatu
N’u l’inchjustraghjatti scemu di u to’ corpu à l’abbughjà
Ch’appiu la brama à circà di a me cuscenza quellu sassu
A teni tù par sicretu è forse… ci faraghju un passu
È ci faraghju un passu n’u li to ochji cum’è stelle
È mi sarà fattu cavallu u to’ surrisu o fior’di Luna
Sott’à le to fronde in pace, cum’è culombi è rambelle
Salamonu à tempiu soiu, è Tarra è sole ch’omu affuna
Siamu niuli zulfiti sott’à u pede à Satanassu
N’u lu focu chì ci alleva, hè detta… ci faraghju un passu
Paroddi : Pierre Canon / Musica : Fabrice Massiani
No comments yet