LYRIC / PARODDI / PARULLE / CANTI
A biddezza di u nostru mondu chì si ritrova in u Caño cristales, fiumi culumbianu à cinqui culori.
Sicreta fonti d’altupianu
Di l’orca sè u spechju tarranu,
Chì u caldamonu sà pitturà
Com’è tela d’eternità
Ugni tafonu è ugni riu
Opara maestra di Diu,
Hè una richezza da rispittà
Hè un pegnu da tramandà
Di i to cinqui culori
Splindori da salvà,
L’omu senza rancori
Oghji voli furà,
Caño cristales
À filu d’ugni sfumatura
Splendi u geniu di a natura,
Tali à un riami da ùn guastà
È chì l’omu ùn pò sfruttà
Di i to cinqui culori
Tisori da curà,
L’omu senza russori
Oghji voli fraià,
Caño cristales
Sicreta fonti d’altupianu
Di l’orca sè u spechju tarranu,
Chì u caldamonu sà pitturà
Com’è tela d’eternità
Di i to cinqui culori
Sò fiori d’ùn strappà,
L’omu senza timori
Oghji voli accampà,
Caño cristales
Paroddi : Ghjuvan’Federiccu Terrazzoni / Musica : Michel Leca
No comments yet