LYRIC / PARODDI / PARULLE / CANTI
L’ochji colmi di sulia
Tace l’anni senza granu
Tuttu u mondu à mezu spinu
Cosa e leve ne faranu ?
Stantare di sangue arditu
Trà tarra è celu pisatu
N’ù l’ortu d’oru inzeritu
U celestu t’hà squassatu
Sicchia o acqua zergosa
Suminai u to destinu
Compiu hè ghjà l’età gluriosa
È lu sole hè à l’inchinu
Partuti sò li zitelli
À ingranà d’altri ceppi
Singhji, casuccie è tarzelli
O sudore ch’è tù inzeppi !
Quandu serà la falcera
Sott’à i pedi à l’albitroni
C’avenniremu la tribbiera
Aghje, boi, è furconi
Petru Canon / Fabrice Massiani
No comments yet