LYRIC / PARODDI / PARULLE / CANTI
Storia è populu ùn facini cà unu. Quiddu chì sà d’induva eddu veni, a saparà induva andà.
A nostra storia, matrice di u pòpulu
Vechja quant’è vechja a terra addulurata
Induve simu nati
Fù cantata scritta è tramandata
Da tempi in àcheri
Ramintendu l’udissea tremenda è l’epupea
Di a Patria nascente
A nostra storia, nata da u pòpulu
Chì smarisce à tempu à l’estru paisanu
Di i nostri antenati
Fù piattata pruibita è po sguassata
Da a vulintà straniera
Ma ferma sempre in i cori è ind’è l’alma
Di tanta ghjente fiera
A nostra storia, credenza di u pòpulu
Spanticheghja è putenze arcane di l’umanità
Intriccendu eri, oghje è dumane
In a santa trinità
Per ch’elle ribòmbinu e vite umane
Per l’eternità
A nostra storia, forza di u pòpulu
Anciu eternu di l’antica sumente
Di a terra di Cirnu
Porta cum’ellu si porta lu ventu
E foglie di vaghjime
E nostre voce è sperenze è brame
Bellu più luntanu,
Da a Patria nascente
Di tanta ghjente fiera
Paroddi : Pascal Renucci / Musica : Franck Silana
No comments yet