LYRIC / PARODDI / PARULLE / CANTI

L’amore ch’o ti portu
Quandu vene la notte
U to nome di focu
Sarà quellu di a mio sorte.

A mezzu a li fiori
Una voce cantava
Aghju intesu la to sperenza
Chi mi chjamava da mill’anni.

Tu si sola a mezzu pratu
Eiu portu li mio guai
Quand’u tempu s’alluntana
U to nome chi ribomba
Cum’una fiama nustrale
Quallà pienghje una funtana.

Eru solu per muntagna
Una voce mi purtava
Aghju vistu una cumpagna
Nant’a petra chi ripusava.

I so occhji a mezzu sole
Chi schjarivanu u mio sognu
Aghju lettu lu to nome
Sopra u celu nivaghjosu.

Aghju chjappu la to manu
Un acellu s’hè pusatu
A funtana s’hè pientata
U celu s’hè risvegliatu
Una voce a cantatu
A tristezza era luntana. Bis

Eiu portu lu to nome
Chi accende e mio passione
N’è cunoscu lu dulore
E ti batiseghju Amore.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *