LYRIC / PARODDI / PARULLE / CANTI
Sentu una prisenza
Chi mi scumboglie
Forze la to anima
Chi di me si ne scioglie.
Spechju. Bis
Induve sò i zitelli
Ch’in corte ridivanu
Induve sò quell’acelli
Ch’in ùn volu fughjivanu.
Spechju.
Ne sentu lu to passu
Chi, di me, s’alluntana
Oghje quandu ti guardu
Mi sentu un omu stranu.
Spechju. Bis
Tù chi fai la mostra
Di la nostra vita
In pettu a la disgrazia
Un’hè muta la scunfitte.
Spechju.
Spechju sempre piattatu
Quandu picchja la morte
Cume si t’eri tù
A arrigà gattiva sorte
Spechju. Bis
Avà un sentu piu,
Di tè, lu batticore
Vegu a to ghjuventù
A l’ortu di u more.
Spechju.
Spechju di la vita
Strappalu issu velu
Chi la fede rinaschi
Per un populu degnu.
Spechju. Bis
No comments yet