LYRIC / PARODDI / PARULLE / CANTI
À tè pensi chì puesia
Mossu di un’aria marina
Lasciati purta di a magia
Di la me musa pelegrina
E so ale sò di bianca neve
Fresca comu l’acqua sottu valle
A frisgia paisaghji di pieve
Per infattà un locu ideale
Per chè tù campi spinseratamente
U nostru scurtatoghju poi piglià
È di sicura sciolta sarà la to mente
À me poche cose mi ponu cunsulà :
A cumpagnia di l’amicu pastore,
Una ballata, la risa di la zitella,
Pigliassi tempu senza corre ;
Un cercu nisciuna pretenzione,
Solu smintica un crepacore,
Cantendu cù semplice emuzione,
Stonde cunfessati senza timore.
Antone Crescenzi
Vaghjime
No comments yet