LYRIC / PARODDI / PARULLE / CANTI
À tè chì scrivi a gloria
D’una francisata arrabiata
Chì a to piuma sia sicura
Senza avè nisuna paura
Di stuzzicà a memoria
Di a nostra vechja storia :
Storia corsa pruibita.
Dui guerri mundiali
Morti feriti è cundannati
Viaghji è vita culuniali
Valisgia biota si ni vani
A puvertà paisana
Oramai scurdata :
Pà i pinsioni è i galoni.
In’ssi carrughji stretti
Cantani l’ultimi uffizi
Di l’ultima resistenza
Primi segni di spiccenza
Trà paisani è spatriatti
L’usi è i stinti sò scambiati,
Pà a sucietà tradiziunali.
Dopu l’annata sessanta
A funa era strapata
A razza prugramata
Pà essa sminticata
A lingua svanniscia
A tradizioni si pirdia
D’una manera imbastardita.
Trà mudernisimu mischinu
È capitalisimu vicinu
Cunsumazioni fatali
Scippa l’unioni suciali
Vechju populu di Cirnu
Oramai s’hè cunvintu
Trà di noi sia l’unioni
Chì trà di noi sia l’unioni.
Antone Tramini \ Mighè Tome
Vaghjime
No comments yet