LYRIC / PARODDI / PARULLE / CANTI

Ricordi ùn ti ne manca unu,
Corenu inde u ventu
E per tè so e fonte,
Chi rivoccanu l’anni
E trascinanu voce

Eccu a terra santa
I carrughji è u molu,
E butteghe d’invernu
Cù a sò lumeruccia stanca
Eccu a vita santa
Di risate d’amore
A e fronde cascate
Eccu vicini, è paisani

Ricordi à e porte di e scole
In e corte à u sole
Ver di nove stagione
E ottobre chi spunta
Cume un dolce amaru

Eccu maghju chi volta
A l’alivi d’argentu
Duve rinasce vita
A e funtane, à l’aliveti
Eccu torna chi splende
U mare chi si move
Cume u core toiu
Chi ogni tantu si ramenta…

Eccu a terra santa
Di risate d’amore
A e fronde cascate
Eccu vicini, è paisani

Paroles et Musique : Stefanu Casalta


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.