LYRIC / PARODDI / PARULLE / CANTI

Trà di nò hè natu l’ardori
Mai campatu incù nimu,
Chì senza parlà ci capimu
À frisgiu d’ugni batticori,
È cunvinti di quiss’amori
U tempu suspesu tinimu.

Trà di nò fughji u disprezzu
Attempu à l’affettu vanu,
È l’animi appalamanu
Ugni stonda hè senza prezzu,
Chì quandu lestu ti carrezzu
Sfrisgiu tandu u mondu sanu.

Trà di nò sfila l’eternità
È a cirtezza d’ugni virtù,
Andendu sempri à tù per tù
Spartimu a richezza d’amà,
Ciò chì omu ùn si sà spiicà
A gioia, cù qualcosa in più.

Trà di nò u pocu hè tantu

Ch’ùn sguardu solu ci unisci,
È ugni spera rinvivisci
Da risanà ciò chì s’hè frantu,
Chì da quandu mi sè accantu,
Ciò ch’aghju in giru sparisci.

Trà di nò, tuttu hè parmessu
Chì a vita ci invintemu,
È sempri avanti andemu
Versu un avvena prumessu,
Ugni sonniu c’hè cuncessu
Ch’una stessa parsona semu.

Trà di nò sfila l’eternità
È a cirtezza d’ugni virtù,
Andendu sempri à tù per tù
Spartimu a richezza d’amà,
Ciò chì omu ùn si sà spiicà
A gioia, cù qualcosa in più.

Paroles : Ghjuvan Federicu Terrazzoni
Musique : Christophe Mondoloni


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.