LYRIC / PARODDI / PARULLE / CANTI
E parulle affiurate
Quelle vere eppo franche,
E parulle stampate
Nant’e pagine bianche
Oghje sò discitate
Da ùn esse più stanche.
Artisti è literarii
Scientifichi è scrivani
Privati è funziunarii
I vicini è luntani
Oghje ùn ci n’hè cuntrarii
Sò mani ind’è e mani.
Aiò femulu nostru
Stu ghjornu ch hà da vene
Ci hè sangue è inchjostru
Ind è e nostre vene
Chì più chè mai oghje
In una sola voce
Tutti vulemu porghje
Una luce feroce
Una luce furore
D’ùn scurdà a filetta
Una luce d’amore
Per sta lingua…
Chi c’aspetta…
Ingir’un stessu focu
Per a stessa bandera
Empiimu u nostru locu
D’una tamanta spera
Scuprendu ogni allocu
D’a nostra isula fiera.
Andemu cun i toii
Chì sò dinù i mei
A ci feremu noi
Ancu più chè tù credi
Ci tocca à esse eroi
Perchè simu eredi…
In quessu vintiquattru
Femu chì quellu maghju
Pigliessi un novu saltu
Fendu u nostru viaghju,
Musique : Dédé Sekli
Paroles : Tittò Limongi
Christophe Mondoloni
No comments yet