LYRIC / PARODDI / PARULLE / CANTI
Vicu a tarra assuffucà
Da l’ingurdìzia umana,
Chì l’omu sfaci è spiana
Senza nissuna dignità,
A natura chì tempi fà
Di tuttu fù a suvrana.
Chì l’urgogliu avvilena
Sfendu à un puntu stremu,
U pegnu chì lasciaremu
À quiddi chì so à vena,
Ma pà suminà a pena
Nant’à issu mondu qual’semu ?
Qual’semu pà malminà
Inquinà ò sradicà,
Ciò chì fù sin’avà
Splindori è binistà ?
Qual’emu in virità
Pà ghjudicà ò stirpà,
Senza cura ne pietà
U fà di l’umanità ?
Sentu i lagni dulenti
D’ugni locu chì si mori,
Sfraiatu senza rancori
Da u soldu praputenti,
Chì introna ugni menti
E acceca ugni cori.
Di perda ciò chì tandu fù
Oghji più chì mai temu,
Chì pà u puteri scemu
Si trascura ugni virtù,
Ma sia eu quant’è tù
Nant’à issu mondu qual’semu ?
Qual'semu pà malminà
Inquinà ò sradicà,
Ciò chì fù sin’avà
Splindori è binistà ?
Qual'semu in virità
Pà ghjudicà ò stirpà,
Senza cura ne pietà
U fà di l’umanità ?
No comments yet