LYRIC / PARODDI / PARULLE / CANTI
Da Bunifaziu à l’alba salpò
Una fluttiglia di vinti legna,
Pà dà l’assaltu à a Sardegna
À Bonaparte a Francia mandò.
Passata Spargi prestu arresa
In Santu Stefanu l’omi sbarconu,
Ma un timunieri è u so cannonu
Di l’isulotti presi a difesa.
O Millelire a to bravura
Ferma stampata in ugni menti,
Chì da pruteghja tarra è ghjenti
Piddesti l’armi senza paura.
Piuvìa piumbu à l’ispinsata
Da punta Teghji à capu d’Orsu,
Sempri in posta strinsi u morsu
È benchì solu ti feci armata.
Da sintinedda di u to locu
Andesti apressu à l’invasori,
Nantu à l’ondi senza timori
Sin’à l’ultimu apristi u focu.
O Millelire u to curaghju
Hè un valori da mantena,
Chì grazia à tè a Maddalena
Scacciò i nimichi da u so rinaghju.
Incù l’ingeniu eppò a virtù
Tù Dumenicu di i Leoni,
Festi perda à Napulioni
Una battaglia è a cursitù.
No comments yet