LYRIC / PARODDI / PARULLE / CANTI
So trè ghjorni à l’appiattu
Chì vattu lu to passeghju,
Dumattina à l’albeghju
Pagarè u mali fattu.
À chì t’hà tanti putera
Turci u nasu ‘lla ghjustizia,
Ma ùn vali l’amicizia
Di pettu à a cartuccera.
Pà l’urgogliu di u rangu
U me frateddu ha’ tumbu,
Hè a leghji di u piumbu
U sangu lava u sangu.
D’un colpu à l’assumbretta
Scambiarani dui sorti,
À chì chjamò malamorti
Si rispondi cù a vindetta.
Cari sureddi è parenti
Ùn vi feti più pinseri,
Facciu quì u me duveri
Incù l’anima cuscenti.
Infini hè ghjunta l’ora
Di a faccenda funesta,
U paesi hè in festa
Ma un omu hà da mora.
Caghjoni di u dulori
Accesu à u Spidali,
Tucca à tè ad avali
D’infattà u criatori.
D’un colpu à l’assumbretta
Scambiarani dui sorti,
À chì chjamò malamorti
Si rispondi cù a vindetta.
No comments yet