LYRIC / PARODDI / PARULLE / CANTI

Dà tutti li passi persi
È per quelli ch’aghju dà fà
À cerca cent’universi
Oghje pensu à tè

Per quellu caminu scemu
Ch’eiu vulia piglià
È per tuttu lu to tremulu
Oghje pensu à tè

Per quella manu pisata
Chì mai ùn hà vulsutu minà
È per la to dolce abbraciata
Oghje pensu à tè

Ogni stonde, ogni ore
Vicinu à tè vogliu campà
Cum’ell’hè bellu l’amore
Quandu pensu à tè

Per l’allevu che tù m’hai dattu
Per avè sappiutu perdunà
Ogni scimizzia, ogni peccatu
Quandu pensu à tè

Mai ùn si spinghjera la fiamma
Chì rallegra lu nostru core
È ti ringraziu ò Mamma
D’avemi datu tantu amore

Ancu s’ella ùn hè bella la vita
Ancù s’ellu ci tocca a strazzia
Sappia ò Mà chì à l’infinita
Camperaghju per tè
Ò Mà, per tè


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *