LYRIC / PARODDI / PARULLE / CANTI

A mè
Mi fermerà sempre in la mente
Quelle vite chi so spente
Quelli bracci ripiegati
Elli ch’eranu sempre alzati

Per tè
O terra di tanti strazzi
O terra di tanti lagni
O terra di tante assenze
E di tante indiferenze

E elli
Causi di tanti frastorni
Di tanti nigrumi in li ghjorni
A to storia s’hanu arrubatu
I to diritti hanu nigatu

Ma noi
Cuscenti di lu nostru avvene
Vulemu fà un lindumane
Per u figliolu chi ghje natu
Per u fratellu liberatu

’cu voi
Inc’una cuscenza cumuna
Sparteremu ogni furtuna
Purteremu a bracce tese
Ogni vule d’issu paese

Senza elli
Ch’a l’avvene un volenu crede
Chi chjodenu l’occhji per un vede
Chi d’ogni passu siguru
Si sticcia tuttu cio ch’è scuru

Inseme
Demu a la vita i so culori
A la paura i so timori
A e prussime generazione
U so paese a so nazione

Demulli
Inseme, inseme, inseme…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.