LYRIC / PARODDI / PARULLE / CANTI

Vi rivecu accolti dopu à a cacciamossa
A lu frescu di a chjalza spiddendu u cinghjali
Ghjuvan’Battista è Petru incù tutti quidd’ altri
A cantina hè sarrata induva seti avali ?

E rivecu l’ istati i ghjochi in a cuddetta
Li corsi à taglià soffiu in a fiera Tassiccia
I sudati di aostu versu a Pedilonga
E la fresca virdura di l’ arbosa tanchiccia

Tuttu mi porta, tuttu mi porta versu tè
Tuttu parla, tuttu parla dinò di tè
E sunnieghju ancu avà, pinsendu à tè o Bisinà

È rivecu l’istati i ghjochi in a Cuddetta
Li corsi à taglià soffiu in a fiera Tassiccia
I sudati di aostu versu a Pedilonga
È la fresca virdura di l’arbosa Tanchiccia

Pensu à a petra varghja induva vo’ durmiti
Sentu pienghja suventi, di Cicciari u chjapponu
A Licciola hè sparita lachendumi urfagnu
Si sò persi i me passi in i frondi di l’Anghjonu

O li seri di aostu stesi à nantu à u stradonu
Circhendu di sapè di li steddi li sicreti
A Casa di u Pinu era u nostru locu
U purtonu hè sfundatu avali induva seti ?

Tuttu mi porta, tuttu mi porta versu tè
Tuttu parla, tuttu parla dinò di tè
E sunnieghju ancu avà, pinsendu à tè o Bisinà

I partiti di carti o di bocci in piazza
Litichendu o rindendu par qualchì puntu persu
Tandu sì l’amicizia sapiati intratena
È ancu a parintia era di un antru versu

Ùn si pò più vultà ni in daretu, a socu
Ma cercu di mantena sempri u vostru stintu
Par pudè dì un ghjornu socu statu mè stessu
È mora à la fini arrittu è micca tintu

Tuttu mi porta, tuttu mi porta versu tè
Tuttu parla, tuttu parla dinò di tè
E sunnieghju ancu avà, pinsendu à tè o Bisinà


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *