LYRIC / PARODDI / PARULLE / CANTI

Un sonniu svigliatu,
Un frisgiu lasciatu,
Calisgina pronta à svanì.
Per ‘ssi lochi natu,
Chì a ghjente di quì
‘Ssu nome t’hà datu :
Nessie.
Misteru piattatu,
Da tanti nigatu,
Eiu sò ch’in lu mio core vivu sì.

Da ‘ssa terra strana,
Da Scozia luntana,
Hai incantatu la mio giuventù ;
Cunnoscu a to tana
Cù lu lavu à l’insù,
A fata guardiana
Sì tù.
Quandu a sera arcana
Di bughju s’impanna
Sunnieghji à lu tempu chì fù.

Di fole è magia,
L’incantu nascia
À u zitellu chì pinciula in mè ;
Dolce a mio pazzia
À chì crede sapè
‘Ssu mondu bugia
Oimè !

Pace è allegria
Li si deve vulè,
Sunnià una cria
Chì piacè !
Mostru fantesia,
Nessie, eiu vulia
Ditti ch’eiu mi piace di crede in tè.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.