LYRIC / PARODDI / PARULLE / CANTI

A la calata di u sole
S’inturchinisce lu monte
Eiu posu sott’a pampana
L’ochji chjosi una cria
Quantu stagione sò passate
Sopr’a a to zitellina.

E l’odore di a terra croscia
Da tandu mi seguita.

Di Santa Maria e rinfriscate
Aspettava un tempurale
Tamanta fritulosa paura
A l’agrottu di a cucina
Quandu scuppiavanu infiarate
L’ultime accendite.

E l’odore di a terra croscia
Da tandu mi seguita.

A sei ore l’acqua in un sussurime
Disceta la mio memoria
Chi luntanu di mè curria
Eppo l’attrachjata m’abbraccia avà
Pè stancià ogni sete
U silenziu d’eternità.

E l’odore di a terra croscia
Da tandu mi seguita.

Nu l’aria colma di friscura
Cum’è circhendu l’ore perse
M’arrembu à e muraglie calde
L’ortu di sulia in silenziu si lagna
Aspettendu a divina guazza
Chi pienghjendu bagnerà.

E l’odore di a terra croscia
Da tandu mi seguita.

Avà l’orizonte s’abbughja
Cum’è u spechju di a fata
Sbagliendu a nostra vita
E incù l’acqua chjara
Campa l’eternu fiume
Chi ùn ghjornu trinca.

Quandu nu a terra croscia
Una si chjina.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *