LYRIC / PARODDI / PARULLE / CANTI
Tù chì dà lu to castellu
Vedi orizonti luntani
Aprendu lu to purtellu
Scopri Orezza è l’Ampugnani
E case di u surbellu
L’ai à purtata di mani
S’è tù guardi à manu manca
Vedi a croce d’Ampugnani
Ci hè Casalta è Casabianca
U Silvarecciu à cantu à Pianu
È in cima di l’altra branca
Olmu, Scata è San Damianu
Supranisci u cantone
U luntanu, è u vicinu
Da Piedicroce à Stazzona
Brusticu è Piedipartinu
Casi in fondu di Carcheta
Pied’Orezza è Carpinetu
Di punta à tiru d’acellu
Bellu spostu, in pienu sole
Granaghjola è u so castellu
Ci hè Monacia è Piezzola
Valle, Rapaghju è Parata
Piatti indà à so burgata
Bellu nidu di virdura
Paisoli furtunati
Ci hè silenziu è aria pura
L’usi sò pocu cambiati
Si vive incù la natura
Cum’è i nostri antenati
Ti pregu curagiu è forza
Per mantese sta surghjente
Quella di l’anima corsa
Cusì prufonda è putente
Ch’ella ùn cedi a nisun scossa
Sempre fiera è sempre ardente.
Tradiziunale d’Orezza
Petru Guelfucci
No comments yet