LYRIC / PARODDI / PARULLE / CANTI

Hè passata l’invernata
Hè firmatu lu dulori
Dura hè stata st’impettata
Chì ci hà feritu lu cori
Ammantenduci di dolu
Vucerendu u to figliolu

È tù suredda cara
Chì palesa la to vita
D’una lacrima amara
Incù l’alma indulita
Viaghjendu à malapena
Sintenduti togli a lena

Francaremu quiddi chjassi
Apperlamanu o suredda
Ùn si sguaqqanu li passi
Indù nasci a muredda

S’è pudissi cù li to pienti
Attipammi à un scaloni
È di issi ricordi à menti
Fammi appri un stradoni
Cuddariu sin’in celu
Pà piglià u to ziteddu

Ora daci la to manu
Andemu à cogli u soli
Al dilà da u luntanu
Ancu in sonniu s’eddu ci voli
Sin’alloca di stu ghjornu
Di quidd’eternu ritornu

Francaremu quiddi chjassi
Apperlamanu o suredda
Ùn si sguaqqanu li passi
Indù nasci a muredda

Petru Squarcini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *