Di prima trinca cantareccia
Tirata da palu in frasca
A’ l’antica l’omu s’intreccia
E’ oimè à chi ci casca.

Ma quandu l’urganettu hè cintu
Esse di l’emme si ne impippa
Riccu di vita hè lu so stintu
Focu d’eviva è po trippa.

Aiò o Cè, portaci in fiera
Trippa torna eppo’galera
Faccilu sente lu to piacè
Portaci in fiera aiò o Cè.

Anni finiti ottanta quattru
Un batter d’ochju di malizia
Sempre d’amore sempre sgualtru
Cun dece dite d’ingurdizia.

I penseri sò sottu chjave
Mentre inceppa a baldanza.
Allegri chì voca la nave
Ghjè l’altu mare chì s’avanza !

E à lu tirà di le rete
L’omu à l’anni primaticci
Averà sempre da scumpete
Un’ serà mai in l’impicci.

Chì si un ghjornu m’impastoghju
In duie note cuntrastate
Ch’ellu sunessi u palpatoghju
L’ore di l’ultime stinzate.

Anghjulu Salducci

Altri canti cu M’assumigliu ##

• M’assumigliu
• More à vint’anni

Scantariza

• Lamentu di u castagnu à u corsu
• M’assumigliu
• More à vint’anni