LYRIC / PARODDI / PARULLE / CANTI

Nove ghjuvanotte di notte à la funtana
Nove lune accese, di ùn sapè ballà
Nove parolle dolce, voce di minannà Bis

Ottu capretti ùn facenu furtuna
Ottu muntagne perse ùn si ponnu truvà
Ottu furesteri ch’anu tombu la muvra Bis

Sette mazzeri scemi imbuleghjanu a mente
Sette putenze unite facenu avversita
Sette ponti falati di focu e petre ardente Bis

Sei mare chi bollenu, gonfii di suffrenze
Sei dulore in core, a patria da sperà
Sei misgi a dorme, l’acelli sò sperenze Bis

Cinque omini arritti inventanu un surisu
Cinque cannonni mughjanu a francia passerà
Cinque tacche di sangue annant’à lu to visu Bis

Quattru tesori piatti unu per paese
Quattru canti di gioia un mondu hà da vultà
Quattru donne chì pienghjenu, cumune sò l’offese Bis

Tre lione chì veghjanu, stantare e mimoria
Tre lingue per ride, di tante scimita
Tre ragio di campà, omi terra è storia Bis

Dui soli si pesanu, à l’alba fratellenza
Duie storie mischiate, u tempu ùn hà pietà
Dui sangui chì correnu, fiumi ricunniscenza Bis

Un populu chì tocca à e mille sperenze
Un populu chì d’occhji, apre l’eternità
Un populu chì va dop’a tante suffrenze
Un populu chì va, solu à l’Indipendenza


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.