L’Arcusgi Di Pasquale

LYRIC / PARODDI / PARULLE / CANTI

U sonu di u culombu
Introna la custera
Ci chjama lu ribombu
Sott’à cara bandera
Vicin’hè lu nemicu
Per piglià la Nazione
A rèdita di l’anticu
Ci dà mille ragione

Duman’in Ponte Novu
L’arcusgi di Pasquale
Seranu à lu provu
Di l’orcu culuniale

Cara sposa ti basgiu
Mi ne vò à la guerra
Dammi mondu curagiu
Per salvà la mio terra
Paura ùn avemu
Di’ssa razza odiosa
Di for’a punteremu
Cun l’armata gluriosa

Duman’in Ponte Novu
L’arcusgi di Pasquale
Seranu à lu provu
Di l’orcu culuniale

Diu vi salvi Regina
Cantan’i partigiani
Sperendu la ruvina
Di ’ssi rugnosi cani
Mor’ùn aghju primura
S’ell’hè per u paese
Benchè risent’asprura
Di cumbatt’u francese

Duman’in Ponte Novu
L’arcusgi di Pasquale
Seranu à lu provu
Di l’orcu culuniale

S’avvicina l’albore
U sguard’à l’orizonte
Zirighend’u furore
E milizie sò pronte
In fondu di e valle
Si sente cum’un frombu
Eccu e forze di u male
Femu scuppà lu piombu

Duman’in Ponte Novu
L’arcusgi di Pasquale
Seranu à lu provu
Di l’orcu culuniale

Duman’in Ponte Novu
Contr’a sottumissione
Seranu à lu provu
L’Arcusgi di a Nazione

Accumudatu by

Stephane Gutierrez

SPARTE

L’Arcusgi Di Pasquale