LYRIC / PARODDI / PARULLE / CANTI
In fine grazia à Diu
Rivecu u campanile
Chi un ghjornu aghju lasciatu
Una mane d’aprile.
Zitellu sò pertutu,
Ritornu capu biancu,
Vengu à circa riposu
Perchè oghje sò stancu.
O campane silenziu !
N’un rumpite stu sognu
Chè l’esiliatu passa
Circhendu un testimoniu
Vole ascultà dinò,
U cantu di l’acellu,
E pò rifà li passi
E pò rifà li passi
Di l’anzianu zitellu.
Qui, in e lu campu santu
Sott’à a filetta serena,
Dormenu li mei
Dopu tamanta pena.
Mi dicu capu bassu
Passendu pianu pianu :
« Sò morti guasi soli,
Quandu era luntanu. »
O campane silenziu !
N’un rumpite u mio sognu
Chè l’esiliatu passa
Circhendu un testimoniu
Vole ascultà dinò,
U cantu di l’acellu,
E pò rifà li passi
E pò rifà li passi
Di l’anzianu zitellu.
Tony Toga
No comments yet