LYRIC / PARODDI / PARULLE / CANTI
Signore in casa mea
Ci sì passatu di notte
O chjamatu t’aghju tantu
Cum’è un tontu briunendu
Ma cioncu è cecu sì statu.
Tutti li peccati mei
I ti vurria pagà
Ma omancu fammi un segnu
Ch’eo pudessi sapè
Quant’ellu m’hà da custà.
Fattu umanu ghjè un sbagliu
Ma tù, tù poi sì l’omu
Trà l’omi ricusatu
Cumu hè chì in la mio casa
Ùn ti ci voli affaccà.
M. Raffaelli
No comments yet