LYRIC / PARODDI / PARULLE / CANTI

O tù chì dormi
In sta petra sculpita
D’avè suffertu
Da colpi è ferite
Dopu d’atroci martiri
Persu ai ancu la vita,
Oghje riposi tranquillu
A to suffrenza hè finita.

Ma eo sò
Ind’una fiamma ardente,
Brusgiu è mughju
Tuttu ognunu mi sente,
Sò i lamenti di i cumpagni
È d’una mamma li pienti
Chjamu ancu à Diu supremu
Ci ritorni stu nucente.

È fù per quella
Cun spiritu feroce
Da tanti colpi
È viulenza atroce
Chjodi à li mani è li pedi,
Quessi t’anu messu in croce,
O Diu da tante suffrenze
Fà ch’eo senti a to voce.

Oghje per sempre
Tutta questa hè finita,
Avà si mortu
Hè persa a partita,
Oramai in Ghjerusaleme
A ghjente hè sparnuccita
Vergogna ùn ci ne manca,
Morte sò a fede è a vita.

Marcotorchini / N Acquaviva / T. Casalonga / R. Mambrini


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *