LYRIC / PARODDI / PARULLE / CANTI

Di la lagrima spuntata
Tandu a l’orice di l’alba
In quellu campu d’amore
Dopu tantu amore datu
Dopu tantu piace spartu
Tù ne fusti ingravitata

Mentre passanu i mesi
Fior’suminatu di dicembre
Hai crisciutu a palesi
Senza nisuna cuscenza
Appicata a la to mamma
Arradicata a la mio mente

A la vegha di lu ghjornu
Che tu venisse a’ssu mondu
Quandu mamma a corpu tesu
Ti tenia, umbilicale
Quandu belle erete voi
Dui cori intricciati

Oghje quand’eiu ti guardu
Saltichja cum’un agnellu
’Cun li to frisgiuli biondi
Tale l’ale d’un acellu
E li to ochji giucondi
Meraviglianu u mio mondu

Natalina, oghje si
Un pattu in la mio vita
Cum’un fiore arradicatu
Inacquatu senza fine
Di gran’passione sbucciatu
E d’un amore fiddu


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.