LYRIC / PARODDI / PARULLE / CANTI

Piumbu di i stundi
Aria infiarata
Ani fattu starminiu
Focu d’infernu
ln capu di ssa cità

Cori spaccatu
Amori spintu
Sô i colpa di l’odiu
A barattà
À barattà i firiti

A i quatreri
L’arti era appesa

Casi carchi à maraviddi
È carrughji in armunia
Una festa
Chi ùn s’arresta

Ària grisgiogna
Celi tristizia
So musicanti tumbi
Scena sparita
Troncu tiatru in pulvina

Pezza di vita
Moghji d’a ghjenti
E u stintu si spinghji
Capu calatu
Morti appesa àd’un segnu

Maestru afflittu
L’urchestra attenti

U mondu sanu s’hè zittu (sta zittu)
D’addisperu è di lamentu
U priludiu,
D’un diluviu

Archettu Arrittu
Urchestru arditu
E u stintu ripidda
Capu pisatu
Vita incurdata da u cantu

U cantu chjama
À u righjiru

Tandu lu mondu si spanna
È a fedi hè vultata
Ochja aparti
Nant’à a vita

E riprincipia a musica
Di pedi in a calcina
E riprincipia a vita
Appesu ad un viulinu
E riprincipia u cantu
Chi sfida a falcina

Jacques Thiers / Bruno Susini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.