S’hè mossu un vichjuleddu una mattina da cul’ansù
Dicia sò tantu fieru d’essa incù tè ò ghjuventù
A circustanza chjama è s’idda chjama ancu di più
Se forza è curaghju u supranu mi voli lascià
prontu mi truvaraghju par u sustegnu è par pruvà

Chì ghjenti senza pinseri oghji ind’è no ùn ci n’hè più
Ghjenti senza pinseri ùn ci ne sarà mai più

Cusì dicia u vechju chì vistu n’avia tanti più
Sò certu chì parechji in u me rughjonu inssù
Dicini chì sò pazzu d’essa incù tè ò ghjuventù
Mà sò chì tù vol’essa u versu ch’iddi ùn ani più
E ne sò bè cunvintu chì a più sana, oghji sì tù

E ch’hà fattu manera è ti ringraziu o ghjuventù
Ghjenti senza pinseri ùn ci ne sarà mai più

Populu m’a intesu è si oghji u turmentu hè di più
Segnu chì u casticu hà resu vita à i to virtù
Si biotani i paesi quandu a cundanna a ghjuventù
Si biotani i paesi è eccu una prova di più
Chì a mossa s’hè stesa è com’idda mi dici tù

Chì ghjenti senza pinseri oghji ind’è no ùn ci n’hè più
Ghjenti senza pinseri ùn ci ne sarà mai più

Natali Valli
Surghjenti

Altri canti cu Grana Di Vita ##

Scantariza

• Tù Babbu in 18
• L’urchestru Vivu
• ind’è vo’seti
• Sè
• Di ghjuventù
• Pà una strada nova