LYRIC / PARODDI / PARULLE / CANTI
La mane chè tù partisti
Manu à la gendarmaria
T’abbracciasti à lu mio collu
La mio Francesca Maria
Or chì no ghjunsimu à què ne
Mai più nun la cridia
O s’eo era un acellucciu
Puru un’acula marina
Ne vulia vene à truvà ti
In Calvi luni matina
Per datti l’ultimu Addiu
La mio stella matuttina
Pregà vogliu la Madonna
Ch’ellu sia calmu lu mare
Chì in la to traversata
Ùn ci sia nunda à penare
La mio Francesca Maria
Parti credu di crepare !
Quand’è tù ne scalerai
In la cità di Tulone
Manderai un biglittinu
E cose cum’elle sò ne
Nun ti scurdà di Ghjuvanni
U to frisgiatu pavone
T’anu da chjode in cunventu
Cum’è una sora pentita
L’ai da passà custì ne
La tò ghjuventù fiurita
La mio Francesca Maria
Turmentu di la mio vita.
Tradiziunale
Anghjula Potentini
No comments yet