LYRIC / PARODDI / PARULLE / CANTI

Dimmi perchè tù nun rispondi
À lu mio cantu dulurosu
Dimmi perchè tù mi cunfondi
Quandu per tè sò malorosa
Dimmi perchè li nostr’amori
Cum’è lu ventu si ne vanu
Dimmi perchè cum’è li fiori
L’aghju tenuti pocu in manu

Dimmi perchè tante prumesse
S’anu pigliatu lu mio core
Dimmi perchè le mio carezze
Per tè ùn anu più calore
Dimmi perchè la mio sperenza
Cum’è le stelle s’hà dà spenghje
Dimmi perchè cum’è un’orfagna
L’anima mea ùn pò chè pienghje

Dimmi perchè tuttu hè finitu
E pruminate è le canzone
L’estate à lu to giardinu
È l’inguernu à lu to fucone

Dimmi perchè li serinati
Ùn aprenu più lu to core
Dimmi perchè li mi vint’anni
Senza tè bramanu di more
Dimmi perchè…

I Fratelli Vincenti
Anghjula Potentini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *