Era tempu di carta nera
Purtata da lu gendarme
Ne ghjunghjia mane è sera
Ind’è li babbi è li mamme
Ne ghjunghjia mane è sera
Ind’è li babbi è li mamme

Quelle campane à murtoriu
Si n’era intesu parlà
E vultendu di duloriu
Si sò messe à risunà
E vultendu di duloriu
Si sò messe à risunà

Chjucchittendu sempre in capu
Segnu di maladizione
Parchì avia persu babbu
O fratellu o figliulone
Parchì  avia persu babbu
O fratellu o figliulone

U si fuss’elle mai intese
Quì è cula in ogni poghju
O quant’elle ci anu offese
Qu’elle campane murtoriu
O quant’elle ci anu offese
Qu’elle campane murtoriu

Era tempu di carta nera.

Altri canti cu Rughju Di Vita ##

• A Serva
• A squadra di Voce Ventu
• Brunetta
• Juan Simòn
• Kyrie è Criste
• L’Emigratu
• L’ale di l’accunsentu
• Prigaria à u Populu Corsu
• Quill’altru mondu
• Rughju Di Vita
• Sittanta