LYRIC / PARODDI / PARULLE / CANTI

Vi rigaleraghju
O carò per campà ,
A neve è lu sole
È farfalle à chjappà.
U più dolce mele
Di l’ape à suchjà ,
Case paisane è
Lochi da ghjucà.

Vi rigaleraghju
O carò per campà ,
E bande tamante
In li prati à curà .
E più belle sponde
Di la vita à barcà ,
Basgi nant’à l’ochji
Per l’addurmintà.

Vi rigaleraghju
O carò per campà ,
Granella d’amore
Ch’hè pronta à suminà ,
Un solcu d’avvene
Di lotta à assuà ,
A voglia maggiore
Di l’umanità.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *