LYRIC / PARODDI / PARULLE / CANTI

Di punte à u lepale, u pinu hà trimatu,
Ghjè libecciu chi porta, u so soffiu dannatu,
E a natura sana, si strappa cum’un stracciu,
Una fiara hè nata, è stinza u so bracciu,
Una fiara hè nata.

Un mantellu di fume, arreghja a furesta,
Sta terra di dulciume, mai più un ferà festa,
E u ventu scherzosu, chjoca mez’e fronde,
Una fiara hè nata, è corre frà e sponde,
Una fiara hè nata.

U muvrone si ferma, è n’hè musca u ventu,
L’orizonte s’infiarà, in pettu à u spaventu,
Un prufume di morte, si sparghje è in un lampu,
Una fiara hè nata, in fondu di lu campu,
Una fiara hè nata.

E sti reini stinzati, ch’aspettanu e morte,
Sò tanti bracci tesi, pè cunghjurà a sorte,
U silenziu nasconde, una terra si move,
Una fiara hè nata, è brusgia u mio core,
Una fiara hè nata.

Duve scurria lesta, l’acqua di a surghjente,
U so cantu di festa, annacquendu l’oriente,
Ci fermerà un scogliu, per sempre testimone,
Una fiara hè nata, à mez’a stu carbone,
Una fiara hè nata.

Una fiara hè nata, di pettu à sta ruvina,
Contru à manu assassina.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *