LYRIC / PARODDI / PARULLE / CANTI
O lu trenu di Bastia si ne parte à la ferraglia
U’mbarcanu pezzu à pezzu in battellu per l’Italia
Ci resterà in suvenire qualchi pezzacciu di raglia.
Resteranu li tunelli tutti crosci e affumicati
Ci pianteranu li funghi sti giovani ritirati
E cusi lu Sgio Guvernu cunserverà l’impiegati.
Di la gara di Bastia ne faremu un munimentu
A ci lasceremu arritta perchè ci para lu ventu,
L’ha dumandata un ministru, omu di grande talentu.
I ponti (ne) serveranu per le poste a lu cinghiale
O sinò per piglià frescu quand’omu si sente male
Calmeranu appena l’acqua quandu bolle un tempurale.
Ic volenu piglià tutti li treni cun li battelli
I nostri ministri corsi ci ghioccanu a l’appiattelli
Ci prumettenu le cose cum’i calci a li zitelli.
E noi li stemu a sente cun la bocca spalancata
E poi li femu l’evvive tuttu un ghjornu e una nuttata
Elli partenu cuntenti fandussi una risata.
Tintin Pasqualini / Antoine Ciosi
No comments yet