LYRIC / PARODDI / PARULLE / CANTI

Quellu tempu à curatti quant’ellu hè statu pocu
E notte cù i ghjorni un’alata
A prima zitellina si n’hè digià andata
A teni un’antra manu per strada

A sera à l’attrachjata t’aspettu impaziente
A sera trema sempre una mamma
Ùn ti ne scurdà mai d’issa voce chì chjama
Ancu s’è un’antra voce hè presente

U mo fior’d’alisu
U mo paradisu
Di a machja folta
U core sì tù

A mo sperenzona
A parte più bona
Di a mo canzona
U cantu sì tù

Avà chì sì ingrandatu hè ora di sapella
Duve u fiume piglia surgente
Duv’ellu passa ponti acqui dolce o dulente
Hè ora di pruvatti à la ghjente

T’aghju amparatu un arte cerca à fanne bon’usu
Ma s’è tù scegli un antru caminu
Varghi cum’ella varghi ti seremu vicinu
Quì l’usciu ùn ti serà mai chjosu

U mo fior’d’alisu
U mo paradisu
Di a machja folta
U core sì tù


A mo sperenzona
A parte più bona
Di a mo canzona
U cantu sì tù

U tempu s’hà frustatu tante scale mutali
U fiume corre sempre à u mare
Duve l’amore hà fattu u so nidu ci pare
Di sente avviuccià voce care

U mo fior’d’alisu
U mo paradisu
Di a machja folta
U core sì tù

A mo sperenzona
A parte più bona
Di a mo canzona
U cantu sì tù

Felì


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.