LYRIC / PARODDI / PARULLE / CANTI

Hè tempu nantu à issa terra
Di fà luce un sole novu
I fratelli di l’al di terra
So pronti à daci rinnovu

Inalzate le cuscenze
L’ochji, li bracci è li cori
Insistate le sperenze
E sparghjite centu amori

Avvicinà ti o fratellu
Eu ti vogliu accumpagnà
Fatti vede un novu cellu
E middi stelli à cantà
Fatti dolce a me surella
Chi ci aspettanu quallà
Fallu splende issu gioellu
Issu fiore d’eternità

Face tempu è tempu indernu
Chè n’aspettemu issu ghjornu
Hè scrittu nantu à u quaternu
Di u sempiternu sughjornu

Simu millai à cantà lu
Per avvià ci lu sognu
Di sparte per ingrandalu
Ci cummove lu bisognu

Avvicinà ti o fratellu
Eu ti vogliu accumpagnà
Fatti vede un novu cellu
E middi stelli à cantà
Fatti dolce a me surella
Chi ci aspettanu quallà
Fallu splende issu gioellu
Issu fiore d’eternità

Simu isse stelle luntane
Isse tessori burbudati
Simu isse terre landane
E issi canti sminticati

Li vulemu dà risonu
Per assulià ci l’ore
Per accende lu cuntornu
DI lu nostru anticu core

Avvicinà ti o fratellu
Eu ti vogliu accumpagnà
Fatti vede un novu cellu
E middi stelli à cantà
Fatti dolce a me surella
Chi ci aspettanu quallà
Fallu splende issu gioellu
Issu fiore d’eternità

Jean Charles Papi / Novi


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.