LYRIC / PARODDI / PARULLE / CANTI

Quant’ella n’hè morta ghjente
À fiore di ghjuventù,
Quant’ellu si hè spartu sangue,
« Ancu a terra ùn beie più »
À vede questu macellu
Singhjozza ancu l’acellu.

Unu hè tagliatu in trè pezzi
È l’altru ferma squarciatu,
Tutti uniti pè l’onore
D’esse morti in sindicatu
Quellu chì hà pocu fiatu
È qualchè filu di vita,
Fideghja à ochju stupitu
Ogni salmu cutrulitu,
È dumanda à lu Signore
Di guarrisce u so dulore.

Ma chì vittoria pò esse
Quandu a croce è u torchju
S’intreccianu pè truvà
U cannicciu pè alloghju ?
Oghje ch’ella pienghji mamma
Pè man’di sciabulatore
È si raspa la spusata,
« Sò stagione di dulore »
Pè l’anima d’issi morti
Ùn spulemu malamorti.

Ripigliemu lu discorsu
Femula pè carità
Cambiemu duie parolle
È a stizza sciupperà
À « Amme è cusì sia »
Risponderaghju « Inch’Allah »

G. Gistucci / Malcolm Bothwell


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.