LYRIC / PARODDI / PARULLE / CANTI
Pè la mio terra vogliu cantà è scrive
E so richezze è la mio voglia di vive
Pè lu mio celu vogliu guardalu è dilli
Lu so turchinu ch’accarezzanu li nulli
Sopr’u mio mare vogliu fà l’odissea
Di quellu ch’un ghjornu hà purtatu a lingua mea
In l’aria marina sentu ballà u ventu
Mà quessi ùn hè nostru è mi lascia u core spentu
Lottemu contr’a stu ventu
Chì ci vole spazzà u tempu
L’unicu testimone vivu
Di st’inghjustizia ch’eu vi discrivu
Feremu noi, a gloria d’issu paese
Cantendu corsu è pigliendu e so difese
Mettendu fora u spiritacciu francese
L’omu sinceru l’accugliemu a bracce tese
No comments yet