LYRIC / PARODDI / PARULLE / CANTI

Quarant’anni digia
Aiò si sempre quì
Un imperu a stantà
Senza mai cappì
Senza mai fiattà
Alcun piace in vista
Dennari in quantità
Ma tempu un si n’aquista
Eppò i sogni facenu u mondu
A l’ispensata una magia
Pò fà di te un giramondu

Eppò spenghje u celu, cappia i scurnaboi
Cavalcà un sumere senza nisun’ penseru
Eppò fanfaruna senza belle manere
A botte ind’è u fiume, ben esposti a lu sole.

Ottant’anni diggia
‘ssa muntagna quassu
Che tu voli attippà
Un ci anderai più
Tant’anni à bramà
A to vanna conquista
Dennari in quantita
Ma tempu un si n’aquista
E tu di quale mondu fai parte ?
Corre da l’alba a lu tramontu
Un hè cusi ch’eo sò sparte.

Eppò more di rise, cumprassi un cucudrillu
Ghjucà à zimbumba a salvezza divina
Eppò beiesi tutt’ u caradellu di vinu
E mandà sulle forche à to malincunia

Eppò sciacamanà, spullà i tavulini
Eppò ricunmincià cum’ ultima prumessa
Un si pò labura, suminà ne racoglie
S’omu un pò aspettà di fighjà cascà e foglie.

Eppò eppò a gallin’ à fattu l’ove
Eppò eppò ghje cusi ch’ellu si move.


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *