LYRIC / PARODDI / PARULLE / CANTI
Stumacata di quessu mondu
Piglia Volu e si ne và
U so avvene l’avemu tombu
E quì ùn ci vole più stà
A culomba di a sperenza
Un a pudia suppurtà
A ognunu a so cuscenza
E vede a corsica Brusgià
S’ella scambia di paradisu, tuttu hè finitu, e cum’è fà ?
Per pudè accende un surrisu, ‘cun tantu male, qual’è chì sà ?
Francherà ogni paelosu
U so sguardu serà pietà
Nantu e spalle d’ogni zitellu
Un si pudera più calà
Sopra e fureste calcinate
Ci lampera una lacrima
Maladettu sia l’estate
Quellu chì a face trimà
Culomba di a sperenza, eu ti preghu ùn ti n’andà
S’ella scambia di paradisu, tuttu hè finitu, è cum è fà ?
Per pudè accende un surrisu, ‘cun tantu male, qual’è chì sà ?
In ‘stu mondu di gativezza
Tu sola ci poi aiutà
Sguazzerai tutta a tristezza
Ci porterai a libertà
S’ella scambia di paradisu, tuttu hè finitu, e cum’è fà ?
Per pudè accende un surrisu, ‘cun tantu male, qual’è chì sà ?
Ghjuvan Maria Andreucetti
Orizonte
No comments yet