LYRIC / PARODDI / PARULLE / CANTI
Mi sente a vita d’un la pudè sente
Sole scuru cum’è lu misteru
Doppia incapiscitura fungu di mente
Mi ne vog’a lampà m’indè lu pozzu neru.
Mi ne vog’annià m’indè l’alti sapè
Mai scritti, mai detti sell’ùn fuss’una volta
Quandu Diu creo pè l’altri cum’è per mè
D’una parolla sola u fondu è a volta.
Mi ne vog’à intigne, a tesa materiale
D’un corpu faticatu è chi vole crede
In lu pozzu di l’acqua musicale
Ch’un puderà nigà l’offerta d’a mio fede.
Mi ne vog’à circa, ciò chi mai persu
S’hè perpetuatu in l’eterna paura
Di l’eternu amore chi ci s’hè immensu
E chi l’ochju divinu sempre sempre cura.
Mi ne vog’à scurdà la sete infinita
Mai mai stanciata, oghje più nùn speru
A notte hè venuta mi sente la vita
Mi ne vog’à lampa mi indè lu pozzu neru. Bis
No comments yet