LYRIC / PARODDI / PARULLE / CANTI
Ci avete insegnatu l’arte
È a fede d’intraprende
Una passione da sparte
Cù a forza ch’ùn s’arrende
U rispettu di l’impegni
È u valore d’esse degni
Ci avete senza paura
Francatu da tante strage
È porsu for’ di misura
A richezza di a pace
Quessa fiara da mantene
Pè custruisce l’avvene
D’ogni mossa smisurata
L’estru emu à tramandà
Cusì a vostra operata
Cù u stintu di tempi fà
Camperà
Ci avete datu u sensu
Di marchjà à capu altu
Eppò u curaghju smensu
D’ùn teme nisun’assaltu
A certezza di un chjassu
Chì si traccia passu à passu
Ci avete per dumane
Lasciatu un patrimoniu
Alzatu da le vostre mane
Da francacci da u bisognu
Cù a vaglia è l’umiltà
Cum’è puntelli da ùn scurdà
D’ogni mossa smisurata
L’estru emu à tramandà
Cusì a vostra operata
Cù u stintu di tempi fà
Camperà
D’ogni mossa smisurata
L’estru emu à tramandà
Cusì a vostra operata
Cù u stintu di tempi fà
D’ogni mossa smisurata
L’estru emu à tramandà
Cusì a vostra operata
Cù u stintu di tempi fà
Camperà…
G.F. Terrazzoni
J.L. Massey
No comments yet