Aghju vistu torbiu, l’ochji aperti,
L’erba umida mi facia ombra,
Chjinatu, cecu per un sole biancu
D’una matinata fresca.

Rossi, li to capelli in lu verde,
Lu to visu freddu cum’è neve à l’ombra,
Aghju vistu a to bellezza
Chì avia più virtù chè petra.

Pocu à pocu mi rivene,
Eiu ti cunnoscu appena,
Si u tempu dolce di i colli,
Chì fà girà u biancu à u verde.

M’arricordu di sta mane,
T’agjhu datu li mo primi basgi.
U’n aghju vistu a to bellezza
Chì avia più virtù chè sole.

Sta notte nant’à la pista di l’ombra,
Ballava u to lume à mezu à i spenti,
Aghju pigliatu a to manu dolce,
Fieru, incù u core cuntentu.

Sta notte dentru lu chjerchju scuru,
Per ùn esse originali,
Ghjucavamu cù a neve bianca,
Beiendu à u novu amore.

Impulsivu rientrenduci,
Vulia fà e mo prove stupite,
Un aghju vistu a to bellezza
Chì avia più virtù che sole.

Vuleria sta seconda,
Duve salvava a to vita,
Mette un pede nant’à stu frenu,
Piglià calmu sta girata.

Fermu solu a to morte in pettu,
A mo presenza sculurisce tuttu,
S’è pudia ricullà lu tempu,
Stà mi chjosu è impicà mi,
Per salvà a to bellezza.

Altri canti cu Cunniscenza di u corpu umanu ##

• Houdini

Scantariza

• Houdini