1

Zia Maria

Zia Maria và à spassu, zia Maria và …
A tacchi alti è capu bassu à girandulà
Vol’sapè ciò chi si dice in tutta la cità
Zia Maria hè felice, zia Maria và …
Zia Maria hà tagliatu, zia Maria hà …
U so « chignon » racamatu per fassi tagnà
Mà la so nora li dici, « a sapete, o mà …
Pareti una vera attrici, v’anu da invidià » …

Zia Maria avà fuma, zia Maria avà …
Pesa quant’è una piuma par ùn ingrassà
Di u latti caccia a sciuma, zia Maria avà
Pianu pianu si cunsuma par ùn invichjà …
Zia Maria aval’cunduci, zia Maria avà …
Và in un fattu di luci d’Aiacciu à Prupià
Quand’ella colla in vittura, zia Maria ùn hà …
Nè pinseri nè paura di fassi aghjustà …

Zia Maria, tutti i mesi, zia Maria avà …
Cù a so serva portughjesa, a Manuella
Indè Codec à à fà a spesa, à fassi carcà
Di cunservi à la Francesa è di baccalà …
Zia Maria avà crocca, zia Maria avà …
Face u piglia, laca è tocca, li piaci à ballà
Ella salta, « djerca » è « rocca », zia Maria sà …
Fà prova di li so fiocca, in la sucetà …

E cusi chi monda donni, i donni d’avà …
Ch’ùn volemu avè frastorni, a si sanu fà …
Un sò com’è no faremu da qui ad andà …
O li tinti ch’è no semu
Ci anu à supranà …